Partiya Welatparêzên Kurdistanê (PWK), bi hevkariya Komeleyên Kurdistanî li Hollanda bajarê Arnhem, Roja Referandûma Serxwebûna Kurdistanê ku di 25 Îlon 2017an de pêkhat û bi erêkirina rêjeya ji sedî nod û sisê (%93) ya Kurdistanîyan tevlî bajarê Kerkûk hat pejirandin pîroz kir!
Pîrozkirina vê roja pîroz, bi sirûda miletê Kurd EyReqîp û rêzgirtina şehîdên rizgariya Kurd Kurdistanê destpêkir.
Piştî rêzgirtinê, serokê Komela Çanda Karkirê Kurdistanê (KOÇ-KAK) û rêvebirê PWK yê Komîta Hollanda rêzdar Qedrî Cemîl axaftinek watedar pêşkêş kir. Serokê PWK yê Ewropa rêzdar Baran Boskan û rêvebirên Komel û rêxistinên Kurdistanî jî di derbarê girîngî û wateya Referandûma Serxwebûna Kurdistanê de axaftinên watedar pêşkêş kirin.
Pêşandana pîrozkirina Referanduma Serxwebûnê, bi muzîk, stran û dîlan bidawîhat!
