PAK, PSK, TDK-TEVGERê li Stenbolê Roja Alaya Kurdistanê pîroz kirin

PAK, PSK, TDK-TEVGERê li Stenbolê Roja Alaya Kurdistanê pîroz kirin

Bi beşdarîya rêvebir û endamên PAK, PSK, TDK-TEVGERê û rewşenbîr û sîyasetmedarên Kurd, roja 17.12.2022yê, li Stenbolê Roja Alaya Kurdistanê pîroz kirin.

Pîrozbahîya Roja Alaya Kurdistanê li Nûneratîya Stenbolê ya PAKê hate li dar xistin.

Pîrozbahî bi rêzgirtina ji bo hemû şehîdên Kurdistanê destpê kir.

Di pîrozbahîya Roja Alaya Kurdistanê da, Cîhgirê Serokê Giştî yê PAKê Kasim Ergun di derbarê dîroka amade kirina Alaya Kurdistanê û di doza dewletbûnê da girîngîya wê anî zimên.Kasim Ergun,  Alaya Kurdistanê wek nirxeke esasî ya  neteweyî, niştimanî ya hemû pêkhateyên Kurdistanê pênase kir.

Serokê Teşkîlata Stenbolê ya PSKyê Mensûr Kara jî daxuyanîya hevbeş  a PAK, PSK, TDK-TEVGERê  ya di derbarê Roja Alaya Kurdistanê da xwend.

Beşdarên pîrozbahîyê jî di derbarê Roja Alaya Kurdistanê da bîr û ray û hestên xwe anîn zimên.

Telewîzyonên kurdî Kurdistan TV, Kurdistan24 TV, Rûdaw TVyê, pîrozbahîya  Roja Alaya Kurdistanê ya PAK, PSK, TDK-TEVGERê ya li Stenbolê şopandin.

 

Geef een reactie

Het e-mailadres wordt niet gepubliceerd. Vereiste velden zijn gemarkeerd met *